الحكاية والرواية مع بلال فضل: شهادتي على تجربة قناة التحرير وبيع الأستاذ إبراهيم عيسى لها

للاشتراك في عضوية القناة ومشاهدة الفيديوهات التي تذاع للأعضاء كل جمعة يمكن الاشتراك على هذا الرابط
ruclips.net/channel/UCAoxdRk2NLCUJe32XWc5Y3Ajoin
حسابي على باتريون الذي يتم تزويده بشكل يومي وستجدون عليه العديد من الصور والقصص والمقالات
www.patreon.com/belalfadl
مع خالص التحية

اضطريت اعمل اكاونت بالاسم ده هروبا من المنفاخ الامني زي ما انت عارف….بحبك جدا يا بلال و الله و بحب اسلوبك…كان ليا الشرف اني قبلتك على ال British Airways في ٢٠١٠ و بالصدفه كان معايا كتاب ضحك مجروح و خليتك تمضيلي عليه…انا عارف انك كنت موجود من ٢٠١٣ بكتبك و برنامج عصير الكتب بس قناتك دي رجعت بلال الحقيقي بعد ما افتقدناه و بعد المسخ اللي بنشوفه يوميا و اعلام الرأي الواحد و الاوحد…انا خايف انك تبطل بعد رمضان، لو سمحت كمل. انا بقيت بنتظر فيديوهاتك بفارغ الصبر كل يوم و بحاول اتفرج على الاعلانات كلها عشان انت تستفيد…مبسوط جدا ان القناه قربت على ال ١٠٠ الف…بنحبك يا بلال…

كنت دائما متابع لجريدة الدستور وكنت محتفظ بما يفوق ال500 عدد منها.. وبعدها جريدة التحرير كذلك.. وقناة التحرير دي اشتريت رسيفر مخصوص عشان أتابعها لاني بكره أصلا التلفزيون ولا أتابعه مطلقا! إبراهيم عيسى الذي كان رمزا للكاتب المعارض تحت سطوة استبداد مبارك! كانت مقالاته مصدر إلهام فعلا ودرس تعليم سياسي! الصدمة في إبراهيم عيسى أثرت في طريقة نظري للحياة عموما!! لم يبقى من الناس الذين كنا نحبهم سواك يا أ. بلال.. والبعض القليل الباقي ممن إختفوا أو أخفوا أنفسهم بسبب ظروف البلد.. وارجو من الله تعالى أن تحافظ على نظرتنا تلك لك إلى أن نلتقي إن شاء الله في ظل رحمة الله.. فلا أمل على ما أعتقد أن نلتقي في مصر أو في الدنيا.. كما رايتك بالصدفة على كوبري الجلاء في 28 يناير.. أندم أنني لم أسعى للسلام عليك.. فأنا لا أحب أن أزعج المشاهير!! ربنا يحفظك ويكرمك.. وادعيلنا.. أظن أن أصحاب المواقف المشرفة دعوتهم مستجابه أن شاء الله تعالى.

من بعد شهادة الزور وأنا موقفي من إبراهيم عيسى اختلف وكنت أظن أن مفيش معلومة عنه هتصدمني
بس الحلقة دي صادمة وحزينة جدا بالنسبة لي

بصراحة أول مرة أكتب تعليق علي فيديو لكن الحلقة دي درس كبير في إدارة الحياة المهنية في جميع المجالات مش الأعلام فقط. متابع محب

ربنا يمسيها بالخير دينا عبد الرحمن من الناس اللي تستحق الاحترام والتبجيل

الحلقة درس كبير لكل المثقفين والمبدعين والسياسين الشباب انهم يخلوا عينيهم وسط رأسهم بسبب أمثال ابراهيم عيسي

من اكتر الحاجات اللي معجب بيها في سلسة حلقات ابراهيم عيسى ان حضرتك بتعلم المشاهد بطريقة فريدة وغير مباشرة إعادة تقييم علاقة الأستاذيه من وقت لآخر بأسلوب منطقي جداً ومحترف كإنك ماسك كورة شوك وبتقصقص فيها بحرفيه شديدة بدون ما تجرح أخلاقك الأدبية وتقع في نفس أخطاء غريمك الكذاب المُزِّيف
شكراً لك من القلب 🌹

ذكرتنا بأجمل ايام العمر ..
وقتها كنت طالب طب سنة خامسة في الشرق الجزائري ..
قناة التحرير على قائمة القنوات المفضلة و ما بتنطفيش ..
دعاء سلطان مع توك شو ، نوارة نجم ، قلم رصاص مع المرحوم قنديل ..
مواقف و عتبات تعلمنا منها الكثير ، كان ابراهيك عيسى بالنسبة إلي و انا الاردني المغترب في الجزائر ، عراب اللحظة ، المُصدق ، اللي بتحسه قريبك اللي في بلاد الغربة مش مجرد صحفي .
راحت الايام و تغيرت المشاعر و المواقف .
لحظات أخذت من عمرنا سنوات .. 💔

شكرًا لك على شهادتك، مفتقدين هذه الصراحة والتوثيق وسط كل الدجل والنفاق في كل دولنا العربية. دورك عظيم في التوعية والكشف

سقطت أقنعة الكثير وصدمنا في الكثير ويبقي بلال فضل ثابت شامخ لا يتغير ولا يتلون ندعو الله لك بالثبات ايها الفارس النقي

صعبت عليا من كتر مااخسنت الظن باابراهيم وهوه بيضحك عليك كل مره بجد انت فعلا نظيف

مع اني عراقية الا اني استمتع بكل حلقة بسب موضوعية الطرح وذكر الأمور والأحداث كما هي. عسى الله يوفقك ويهديك ويسعدك. امين وسلامي للعائلة الكريمة.

أيها الفيلسوف المثقف المتزن لقد أصبحت طبيبنا النفسي في هذه الأيام الحالكة. وجودك ينعشنا.

احترت اكتب ايه بس في احد التعليقات عجبني جدا انه يصفك بأنك أصبحت طبيبنا النفسي فاحديثك تسعدني جدا في وقت انا حزينه جدا فأنا من معاصري ثوره يناير وقتها كان عندي خمسون عام وانا الان تخطيت ٦٢ عام فثوره يناير كانت طاقه نور انارت لنا طريق مظلم وأمل لاولادنا ولكن ماحدث اصابنا باليأس والاحباط فكم انا سعيده بالاستماع لاحاديثك

والله احنا محظوظين فيك يا أستاذ بلال.. الحمد لله انه رغم كل الدوشة الفاضية بيفضل دايما في حد واعي وفاهم .. ويقدر ينور الضلمة اللي معششة بعقول ناس كتير .. تحياتي من فلسطين

انا معشتش الحكاية بس حسيت بالخذلان كأني عشتها، شكرا على الشهادة يا أستاذ بلال.

اانا ليا عندك طلب واحد يا أستاذ بلال. أرجوك تستمر فى عمل الفيدوهات دى هنا على القناة بصورة يومية. نحن بلد لا تقرأ والدنيا بتتطور، والفيديو أصبح هو الوسيط المثالى حالياً لتوصيل الأفكار، أكتر بكثير من الكتابة اللى انا عارف ان حضرتك بتفضلها

كصحفي محترف وعضو نقابة الصحفيين فالحلقة دي أحزنتني جدا لانها كشفت مدى الانتهازية عند استاذ ابراهيم اللي أنا كنت من أهم المدافعين عنه والمتابعين ليه في فترة من الفترات

حلقة اكثر من رائعة، انا شايف ان تكلم عن كريم لمحولة فهم التحول من الهروب الي الاختيار

انت نورت بيوتنا فى رمضان السنة دى وأنستنا بجد يابلال

احساسي طول عمري من قبل ما اسمع الحلقة ان ابراهيم عيسي شخص افاق
جداً
جداً وانتهازي بألم
ده رايي
باعتباري اخصائي في علم النفس

أنا نفسي الصراحة تكلمنا عن كريم عبدالعزيز وعن التناقض بين دوره في مسلسل الهروب تحوله في مسلسل الاختيار

كل حلقة بشوفها لك .. بضحك وأقول استر يا رب .. وافتكر الشيخ حسني في فيلم الكيت كات لما فضح الحارة في ميكرفون المسجد .. مع الفارق طبعاً وبدون زعل يا صديقي .🌹

الحلقة دى لازم تتحول لفيلم .. بجد والله 😃

ما شآء آلله أسلوب عرض رائع جدا وحديث ممتع سحب البساط من كل القنوات بانتظره بفارغ الصبر

حلقه منتظره يا استاذ بلال ... قناه التحرير بدايتها كانت في توقيت فارق ونهياتها مأسويه

انا دمعت و الله و انا بافتكر ايام الميدان و مشاعرنا وقتها و بافتكر برضه الخذلان اللي اتعرضنا له على جميع الاصعده في مختلف المراحل .. شيء حزين والله و محبط

أكثر شخص صدمت فيه في حياتي كان إبراهيم عيسى، كنت متابع وفي له ولكل ما يقدمه أو ينشر بالرغم أني جزائري، لكن تغيره غير طبيعي بالمرة، الآن بدأت تتضح الصورة جزئيا...

حقيقي.إحنا بنستأنس بكلامك ياأستاذ بلال...كنا مفتقدين حد يكلمنا ويفضفض معانا بجد..الله يباركلك..👍

شكراً أستاذ بلال فضل, شكراً لك إنك وضحت لي الرؤية لأني أنا كنت من صغري قارئ لجريدتي الدستور وصوت الأمة ومعجب بكتابات الأستاذ إبراهيم عيسى وكان له الفضل انه شكل جزء من ثقافتي الإجتماعية والسياسية والدينية , لكن تحوله الدراماتيكي عن مسار المعارضة إلى التأييد وضعني تحت صراع هل هو صح وأنا غلط , ومبقيتش فاهم هو في ايه !!!
جزيل الشكر لك مره أخرى إنك ساعدتني في إتخاذ قراري , صدقت لما قلت لا تثق في أشخاص,وإننا لازم نتقصي الحقائق ونناقش الأفكار, فعلاً صدقت مقولة "الحق لا يعرف بالرجال وإنما يعرف الرجال بالحق فاعرف الحق تعرف أهله"

ما شاء الله يا استاذ بلال
عقلية متفتحة وأسلوب راقي ومهذب وصاحب فكر وحجة قوية جدا

اتفرجت عل كل حلقة و بستناك كل يوم بس النهاردة اول مرة اكتب تعليق. انا عايش في كندا من اكتر من عشرين سنة و بنزل مصر كل سنة. الثورة كانت حلم جميل عشته بكل تفاصيله لحد ماتحول الحلم الجميل الي كابوس مرعب. كنت متابع ابراهيم عيسى جدا و عندي كتب كتيرة له منها مبارك و عصره و مصره. كنت فاكر زي ناس كتير انه عنده مثل و ثوابت و اخلاق. صدقني اني حزنت علي نفسي لما اكتشفت اد ايه انا كنت مخدوع و ساذج بس كل كلمة انت قلتها عليه انا متاكد من صحتها لانه من غير المعقول انه يكون غير كدة. انسان معدوم الضمير. شكرا ليك جدا. و ياريت حلقة عن خالد يوسف يا استاذ بلال. اعتقد ان الاغلبية قالت كريم عبد العزيز. مستنيك بكرة ياراجل يا اخلاق يا محترم .

حلقات رائعة .. اخيرا وجدت شخصية وطنية صادقة لاتتبدل ولاتتحول وانا من المعجبين القدماء من ايام مقالاتك وصفحاتك الرائعة في الدستور .. وأما عن إبراهيم عيسى فكنت من اشد المعجبين بمقالاته النارية في الدستور وبرنامجه في قناة التحرير وقد صدمت فيه ليس بسبب ما ذكرته ولكن بسبب تحوله وتبدل آرائه التي اكتشفتها بنفسي من خلال المحتوى والموضوعات التي يتناولها في برنامجه .. اتمنى لك الثبات والتوفيق وخالص تحياتي

كلام كيف هذا يخليك تشك في كل الناس إلي تطلع في التلفزيون و تدعي الثورية و التنوير و مخاطبة العقل…شعور عميق بالخيبة بعد هذه الحلقة.
شكرا لبلال فضل على مشاركتنا تجربته الإنسانية الغنية بأسلوب ممتع و يخلينا ننتظر الحلقات بفارغ الصبر.

صدمتك كبيرة فى استاذك واضحة يا صديقى وانتقادك لمواقفك الشخصية دى حاجة محترمة
تجربة التحرير كان واضح انها ركوب موجة 🌊 التحرير و الثورة من اول البوروموهات خانك ذكائك مع انتهازية و اعجابك بابراهيم عيسى
لكن فيه حلقة مفقودة يرجى القاء الضوء
عليها فى مرحلة الدستور

أرجو يا أستاذ بلال الا نصدم فيك في قادم الأيام كما صدمنا في إبراهيم عيسى وغيره
إحنا تعبنا صدمات

حكواتي متميز، متابعك من أيام عمود اصطباحه في المصري اليوم ، بالتوفيق دائما أستاذ بلال.

شكراً جزيلا لشهادتك الصادقة يا استاذنا

انا تأثرت قوي لما تكلمت عن الثورة
وأنها ممكن تبقي ابتلاء للي عاشها 💔
شكرا لحضرتك علي الشهادة والتوثيق

حلقه بعنوان امام المال تسقط كل الاقنعه و تنهار القيم الزائفه ماحدث من ابراهيم عيسي في الماضي اثبت ان ماهو عليه الان هي شخصيته الحقيقيه التي تبحث دائما عن المصلحه فوق كل شئ

ربنا يكرمك يا استاذ بلال حقيقى القبول نعمه من ربنا انت لو سمعتك 6 ساعة متواصله مبزهقش و شهادتك دى هتنور اجيال كتير كانت مغيبه عن الحقيقه و الصوره الكامله ما بين اخوان و وطنجية

يارب تدور الأيام وتنقشع الغمة وترجع لمكانك الطبيعى كمثقف وطنى صاحب ضمير حر وعضو مؤسس فى الحركة الوطنية التى تواصل النضال لإستعادة مصر مع عاطر تحياتى وتقديرى

رؤساء التحرير الأربعة التي صدرت ضدهم أحكام بالحبس في ٢٠٠٧ هم: ابراهيم عيسى، عادل حمودة، وائل الابراشي، عبد الحليم قنديل.. من أكثر ما يعجبني في كلامك هو قدرتك على مراجعة مواقفك وآراءك وعدم الخجل من ذلك..

حلقة متميزة وضوح ودقة في التعبير وقبول للرأي باتاذن عقل ووضوح فى الرأي والرواية

بالمناسبة أرشيف كثير من حلقات برامج قناة التحرير موجود على موقع Dailymotion 🔖

(بطلت مسلسلات في رمضان ... ادمنت صفحات بلال فضل) .. في انتظارك دائما اخي بلال .

الأستاذ محمود سعد وجه رسالة لحضرتك يا أ.بلال في حلقة رقم ١٣ من برنامجه على اليوتيوب مضمونها: "إذا سامعني (يا بلال) يا ريت تكلمني". :)
شكرا على هذه الحلقة الجميلة.. ذكريات مش بنحب نرجع لها لكن مهم توثيقها.

انا وكل الخيرين الشرفاء نشعر انك الضمير الجمعي لكل الاحرار والوطنين

طبعًا حلقاتك ليست فقط شهادة للتاريخ من شخص صادق ومتسق لكن بصراحة "كورس" في الإعلام والمهنية في الصحافة لناس زي حالاتي لا تعلم كثيرًا عن هذه المهنة التي بخلاف مهن كثيرة يمكنها أن تصنع الوعي العام أو تؤسس للظلم في المجتمع. سكرًا لك

انت رائع جدا ومفيد جدا ومعلوماتك دسمه جدا وبتغذينا علميا وثقافيا ابنى الغالى
ربنا يوفقك ويقويك يابطل

الواحد مقدر جدا صعوبة الحلقة والشهادة دي عليك يا أستاذ بلال وده بيزيد من أهميتها اكتر وأكتر
شكرا علي شهادتك وعدم سكوتك ويجوز قناة التحرير مكملتش ولكن طلعت بيها إني عرفت حضرتك ولحد دلوقتي متابعة ليك

كلامك في أول الفيديو عند الدقيقة ٨ ينطبق ١٠٠ بالمئة على كل الدول العربية... تحية لك

شكرًا يا أستاذ بلال على شهادتك. كان لي الشرف ان حضرتك استضفتني في برنامجك في قناة التحرير في عام ٢٠١١ للحديث عن تجربة مبادرة شبابية للتسامح الديني بين المسلمين والمسيحين في مصر مع الاستاذ الباحث الراحل أيمن عبدالرسول. كنت في اوائل عشريناتي وخجول جداً ومرتبك بس حضرتك باسئلتك واهتمامك شجعتني وطبعاً حضور استاذ أيمن في اللقاء بعلمه وثقافته الباحرة… استاذ أيمن اللي كنت بدأت أكون علاقة صداقة فريدة من نوعها معاه، توفى الى رحمة الله فجأة في عام ٢٠١٢ وبعدين انا برضه سافرت برا مصر لفترات متقطعة بعد ٢٠١٣ لحد دلوقتي ومن ساعتها وانا في حالة لا وعي اجباري بالوضع الراهن ..فيديوهات حضرتك بمثابة إنعاش منعش ولو انه مع تنهدات كتيرة..
خالص تحياتي لحضرتك وبالتوفيق دايما

الحلقة دي رهيبة يا أستاذ بلال و كنت منتظرها من زمان جداً لأن الفترة دي كنت مستغرب ايه اللي بيحصل و مش فاهم ايه اللخبطة الغريبة دي و انا فاكر الحلقة اللي اعلنت فيها عن عودة الاستاذ محمود سعد لأني كنت متابع كل حلقاتك. شكرا جدا ليك و خالص تحياتي و محبتي

محدش فالعالم كله فكر الناس بالشهادة الزور بتاعة ابراهيم عيسي دي غير حضرتك
شكرا وثبتك الله علي مواقفك واعانك علي دفع ثمنها.

انا صدعت من اخر ١٠ دقايق! ألم! انا قلبت على عيسى من ٢٠١٢ وقاطعت التحرير الجريدة بس متخيلتش كل البلاوي دي !!

اسكندراني أصيل لما استقالت. علشان دينا عبد الرحمن و بصيت وراك لقيت مافيش حد في العارضة. انت رجل جميل و حلقات ممتازة بتخلينا نتنفس

بمناسبة الترشيحات حتى و لو مستقبلية
خيرى شلبى
محمود السعدنى
محمود عوض
علاء الديب
محمد مستجاب
احمد فؤاد نجم
يحيي الطاهر
دا لستة رقم واحد
ما فيش حاجة على ارم
دمت صادقا
على فكرة انا بما انى قرأت تقريبا شغلك الصحفي كلة فأنا ايضا شاهد على مجموعة مواقف معلنة عما رويتة عن تجربة قناة التحرير و هى حقيقة ساطعة
متشكرين

شكرا ليك على شهادتك و هون على نفسك يا أستاذ بلال الموضوع كان حلم اصبح كابوس وصدمة في شخص كنت تعتبره في مقام الأستاذ… شكرا ليك مره تانيه لتحملك الحلقة دي عشان توصل شهادة لوجه الله… وشكرا ليك كمان انك فكرتنا بأسماء جميلة زي الاستاذ حمدي قنديل رحمه الله و الجميلة دينا عبد الرحمن

تستحق الشكر يوميا على هذا الامتاع المجاني ❤️

كريم عبد العزيز ... Belal Fadl بلال فضل ...خالص تحياتى لك انا متابع دائم ...اخترت كريم لانك وضحت شخصية وما يحرك عادل امام بما يكفى تقريبا..جزيل الشكر لك على الشهادة

هذه شهادة للتاريخ.. ألف شكر أستاذ بلال.
شهاب أبو السنون

الهروب من احلى المسلسلات اللى شوفتها ف حياتى و موثقه الثورة بشكل جميل .. تسلم يا نضييف

انا متابع حلقاتك بقالي اسبوع ومسحول فيها بشكل يومي ومستمتع جدا بها وللاسف كنت واخد عندك فكرة ساذجه جدا خصوصا ايام الثورة ، لكن حلقاتك وسردك للتفاصيل الممتعه دي خلاني اعجب جدا بك وبفكرك ، استمر استاذ بلال وتحياتي لك

أنا بقيت مدمن الحلقات دي

حلقة للتاريخ يا بلال والله ❤️❤️

مازلت اتذكر يوم حلقه الاستاذه الجميلة دينا عبد الرحمن و اللواء كاطو و موقفك المشرف الداعم لها
منذ هذا اليوم قدرك عندي ارتفع الي درجه عاليه و الي الان كل يوم تثبت انك تستحق هذه المكانة و اكثر

كعراقيه متابعه لوضع مصر بشكل عام ولابراهيم عيسى بشكل خاص كأول مذيع اعجبت به وبطرحه من سنين طويله
الحلقه جعلتني اشعر بحزن شديد واسى .. ليس لابراهيم بشكل خاص لكن كمثال لكثيرين استغلوا مناصبهم وحب الاخرين واحترامهم للوصول لغايه اخرى بعيده عن المعلن والظاهر .. مع الاسف
😞😞😞

ربنا يجعلك دايما صوت الحق و المودة و الألفة و نصرة الضعفاء و المقهورين و مناهضة الظالمين.

ربنا يرحم اللى ماتوا واللى خسروا حاجات كتير فى سبيل الثورة و كانوا طمعانين فى الخير لكل المصريين و ينتقم من كل اللى خان و باع من عسكر و اخوان و رموز كنا نظنها وطنية

المشاعر حقيقيه لقد عشتها بكل اوقاتها وتنوعها فانا كنت اتمني ان اكن صحفيا ولكن فشلت لضعف قدراتي او لدعاء الوالدين بالسلامة. فاكتفىت ان اكون قاري ومتابع ومستمتع بالعمال الادبية من الاستاذه الأدباء والمثقفين
فكان الاستاذ إبراهيم هو الاستاذ والمعلم
والقدوه لي ولجيلي وكنت استمتع بكل كتابته من اول الدستور
وكنت المدافع عنه إمام الآسرة والاصدقاء المثقفين والغير متعلمين
حتي ظهر الاستاذ ليقدم شهادته الزرو علي قتل المتظاهرين
الفار نط في صدري حتي بدا
البحث بجديه ولكن توقفت صدمة في بلوي
حتي قدمت حضرتك هذه الشهادة لله
ظهر الجرح بشدة والوقت حان للتعافي من مرضي بابراهيم عيسي والحمد لله حتي لا احشر معه
كل الشكر لحضرتك كم انت رائع
خالص التحية والحب وربنا معاك
الاستاذ ابرهيم عيسي وشادي عيسي والاستاذ عيسي مدرس العربي بشبين الكوم شكله كان يعرف ام ميمي
كم هو ضحك مجروح علي زكريات
كم انا كنت مغفل

فقط بسبب ما قلت وتقول او سوف تقول فى توثيقك التأريخى الرائع هذا ايها الحكواتى الرائع والمثقف المبدع الموهوب، كانت دائما ما توصف الثورات الشعبية بالكاشفة، وهذا الكشف هو اكبر مكاسب الشعوب التى تثور .. استمر ايها الموهوب .. نتابعك

جبتلي اكتئاب يا بلال ..لاني كنت بحس اني كنت جزء من الدستور كقاري كان عنده ١٤سنه و كل كتاب الدستور كانوا بيمثلوا لينا adols.عاي العموم حلقات جميله و عاش يا كبير

انا كنت دايما حاسس انك مبدع مخلص و الحمد لله طلع احساسى صادق بل انت اكثر من هذا لك كل الاحترام و المحبه

انت اللي طيب ونقي بزيادة ي بلال!!

استاذ بلال فضل ، اكتشاف كبير بالنسبة لي فيديوات شيقة تفرجتها كلها في اربعة ايام كمية ثقافة و تحليل لشخصية المواطن العربي غير طبيعية برافو

فصل حزين أوى أوى، اكثر حزنا من اللى قبله واللى بعده لانه أظهر ناس مكناش نتخيل يكونوا كدا
شكرا لصدقك ولتذكيرنا بالأيام دى وربنا يجازيه على نفاقه

استاذ بلال انا بستمتع باسلوب حضرتك جدا اول مره اسمعك فى بودكاست حداشر وبصراحه اسلوب رائع وكلام مفيد جدا ع المستوى الشخصى
تحياتى

انت مهم جدا و أكيد انت عارف كده ...ربنا يوفقك و يثبتك و يستخدمك لتنوير عقولنا

أهم حاجه وأتمنى عليك عمل حلقات كثيرة حول هذا المعنى، كيف لمن يمتهن الصحافة أن يكون حر ونظيف حتي يكون متصالح دائما أبدا مع نفسه قبل كل شيء وجانب آخر إذا ما كان في مكانك أو مثلا أستاذ محمود سعد لديه ما يقوله بدون خجل

مساء الفل والياسمين والورد على الكاتب الكبير

أكبر مشكله في مصر أننا لا نحترم بعضنا على كافة الأصعدة السياسية والاقتصادية والثقافية والاجتماعية والعقائدية وهذه المشكله ليست وليدة اليوم ولكنها منذ عقود مديدة

يا رافع راسنا
حلاوه الكلمه
السرد الممتع
التفاصيل الدقيقه
الصدق العفوى
حضرتك فى حته تانيه خالص

تحية طيبه للأستاذ بلال فضل السيناريست و الكاتب المحترم الذي صالحني على السينما المصريه. أفلامك تذكرني بسينما مصر في الزمن الجميل ... أفلام عاطف الطيب و صلاح ابو سيف و صلاح شاهين و غيرهم من عباقرة السينما المصريه...
صايع بحر ، الباشا تلميذ ، واحد من الناس ، خالتي فرنسا ، في محطة مصر ، الهروب ...
أعمال تجذبك بخفة دمها و في نفس الوقت بعمقها الإجتماعي ... تسلم إيدك و يا رب ينصلح الحال و نرجع نقرا و نشوف أعمالك الجميلة من ثاني...
جواد من المغرب.

رغم اني من محبي ابراهيم عيسي لكن مصدقك يااستاذ بلال، والواحد فعلا كل يوم بيتعلم ازي يفصل بين عواطفه وعقله في الحكم علي الأمور والأفكار والأشخاص
شكرا استاذ بلال علي الحلقة
واتمني يبقي ليك صفحة علي الانترنت تحمل شكل أرشيف لكل أعمالك الصحفية والإعلامية والأدبية، مؤرخه ومرتبه لان فعلا احنا بنفتقد ده في العالم العربي
تحياتي ومحبتي

حلقة تستحق عنوان " انا بقة و ابراهيم عيسى "

حلقة مريرة
شكرًا للتوثيق يا أستاذنا

بجد حيادك في سرد الموضوع محل احترام و تقدير رغم اختلافي معاك في كذا نقطة من الحلقة . 👏❤️

كلام منتظرينه من ١٠ سنين 💔

ومبروك والنهاردة ٢٠ أبريل ٣ مليون مشاهدة وتقريبًا ٩٠ ألف مشترك في ٣٠ فيديو،يعني بمتوسط ١٠٠ ألف مشاهدة و٣ الاف مشترك لكل فيديو،مش حسد والله دي محبة يا أستاذنا

بجد انا استمتعت جدا بالحلقة دي
ربنا ما يحرمنا ابدا من ظهورك ودايما موفق يارب
وحضورك دايما مذهل

الكلام ده يصيب اى حد بالاحباط وبخاصة ان نرى الاستاذ ابراهيم قامه كبيره

الحلقه الأعظم ...شكرا استاذ بلال علي توضيح الحقائق الواحد علي اد ما هو مرتاح للإجابة على أسئلة كانت مجنناني علي اد مانا مصدوم من البني ادم ده اللي ضحك علينا كلنا

رمضان السنادي مختلف مع بلال فضل المثقف الواعي الحكاي المبدع

انا واحده كنت من المعجبين جدا بابراهيم عيسى طبعا اتصدمت من شهادته ضد مبارك لكن اشهد ان اللحظه اللي سقط فيها من نظري تماما موقفه من مذبحه رابعه كنت فكراه هايطلع يبهدل السيسي والجيش على فضهم الاجرامي للمعتصمين لكن لقيت صمت رهيب لا واكتر من كده إعجاب باللي عمله السيسي وموافقته على المذبحه من ساعتها اعتبرته مشارك في المذبحه دي وبعدين بدأت مواقفه تبان تباعا انه اساسا عنده موقف كاره التوجه الديني في مصر مش بس الفكر الإخواني السياسي

لازم تتكلم عن الاستاذ صلاح السعدني .... حقه عليك تحكي عنه وهو عايش (اطال الله في عمره )

بحيي حضرتك على حيادية السرد 👏🏻👌🏻
برشّح كريم عبدالعزيز للحلقات الجاية

حلقة جميلة كالعادة
حاول أن لا تمل من السرد
كريم عبد العزيز هو اختياري
و حابب اشكر حضرتك لأنك الهمتني باجابتك على سؤال ليا في حلقة ماضية و بديت مشروع مقال أو قل كتيب صغير

ربنا يحفظك و يبارك فيك استاذنا الكريم
كريم عبد العزيز